Trescentos nenos e nenas acudiron onte ao concerto de Mamá Cabra organizado polo Concello de Val do Dubra no auditorio de Bembibre. Os nenos e nenas procedentes do Colexio Público de Portomouro, do Colexio Público de Bembibre e do PAI de Bembibre, acompañados dos seus educadores, disfrutaron durante máis dunha hora da música do grupo infantil Mamá Cabra. Mamá Cabra é un grupo de música infantil que dende o escenario artella xogos para compartir un momento de ritmo, canto audición e sobre todo movemento musical cos máis pequenos. Foi unha mañán divertida e alegre para os máis pequenos do Concello de Val do Dubra.
